ፈተና የጠንካሮች ነጥሮ መውጫ መንገድ ነው።

የመደመር ትውልድ በርካታ የሚያስደምሙ ስኬቶችን እያስመዘገበ ያለው በበርካታ ፈተናዎች ውስጥ ሆኖ ነው። በተመቻቸ መንገድ ውስጥ፣ አልጋ በአልጋ በሆነ ጉዞ ላይ ደካማውም ጠንካራውም እኩል መጓዝ ይችላሉ። ለውጥ የማያመጡ ድርጊቶች ብዙ ፈተና አይበዛባቸውም። አለምን የቀየሩ ሀሳቦች፣ ተግባሮችና ስራዎች ግን በበርካታ ውስብስብ ፈተናዎች ውስጥ ያለፉ ናቸው።

ወርቅ በእሳት ይፈተናል እንድሉ የሁለንተናዊ ብልፅግና ጉዞ ፈተናዎች እየገጠሙት በፈተና ሳይበገር ወርቃማ ስኬት እያስመዘገበ ቀጥሏል። በሚገጥሙ ፈተናዎች ሳንበገር የበለፀገች ኢትዮጵያን እውን ለማድረግ በምናደርገው ጉዞ ውስጥ እንቅፋቱን ለመስፈንጠር ችግሩን ወደ እድል ለመቀየር መስራት የመደመር ትውልድ አደራ ነው። የመደመር ትውልድ ዛሬ የሚገጥሙትን የጉዞ እንቅፋቶች እያፀዳ ተጉዞ ለነገው ትውልድ ጥቅም ፍላጎት መሟላት እየሰራ ያለ ትውልድ ነው።

ሁላችንም ኃላፊነታችንን በመወጣት ለትውልድ የሚሻገር ታሪክ በመሰራቱ ሂደት ላይ አሻራችንን እናሳርፍ!
መልካም ቀን ይሁንለዎ!